BLOG TENTANG : PENGERTIAN, MANFAAT, PENDIDIKAN, KESEHATAN, SERTA CARA, PETUNJUK DAN DO'A-DO'A

Khutbah Idhul Fitri Bahasa Makassar Penuh Hikmah



السلم عليكم ورحمة الله وبركاته
الله اكبر الله اكبر,الله اكبر كبيرا والحمدالله كثيرا وسبحا ن الله بكرت واصيل, لااله الاالله وحده صدق وعده ونصرعبدوعذجنده وحذم العحذبوحده , الله اكبر الله اكبر,الله اكبر كبيرا والحمدالله كثيرا وسبحا ن الله بكرت واصيل لااله الاالله وحده صدق وعده ونصرعبدوعذجنده وحذم العحذب وحده , لااله الاالله الله اكبر, الله اكبر ولله الحمد,
اَلْحمد لله الذ ى انزل علاعبده اكتاب ولم ىجعل له عوجا اشهد ان لااله الا الله وحده لاشريك له واشهد ان محدا عبده ورسول اللهم صل علا سىدنا محمدا عبده ورسوله لانبى امّا بعد فيا ايهاحادرون اتقوالله حق تقا ته ولاتموتن الا وانتم مسلمون فقد قال الله تعالى فى القران الكرم , اعذو بالله منشطان لرجيم بسم الله الرحمن  اَراَيْتَ الّذي يُكَذبُ باِالدّيْن فَذاَلِك الّذى يدع اليتيم ولايحدوعلى طعام لمسكين فويل للمصلين الذين هم عن صلاتهم ساهم الذين هم يراعون ويمنعون الماعون صدق الله العظيم

Sikamma pammujia napatangi Allah, karaengna sikamma Allanga, karaeng ampasilebbasaki singaraka siagan saksanga, ampasilebasaki bulanga, siagang ampasilebasaki paktaungannga, naki niakmo  anne takrapik ri allo pak lappasang idul fitri 1 syawal 1429 H, allo salloamo nitayang ni antalai, allo lompota ikambe ummat Islam, niaka karannuang, apa naki niakma ammuji, appakatangkasa, ri Allah Taalah nasabak niakta nisarre buku magassing batang kale masalenwangan naki niakmo anne akrapungan ilalang mae riparanga. Massing ammakeang pakeang  tangkasa,baju beru sandala beru, ammake minnya-minnya’ tammaka bau’na rasanna ammelaka rasa kacci, ammuanganga siri-siri’ ,annallangngang sifa’ sikurisi sitallangngang ri sa’ra takbir dan tahmid

الله اكبر الله اكبرا ولله الحمدالله كثيرا  وسبحان الله بكرة واصيلا
   *Ri bokoangna maeki appabattu sallang pak pasalama mange ri Nabita Muhammad Saw,   ia Nabbi kammaya tompa suro niaka ni utusu’ ri karaeng Allahu Taalah, mange ri tompokna anne linoa, ajjari pan minawangan rikatte ngaseng, mudah-mudahan naki niak tong salamak sangkamma Nabbita Muhammad Saw.

الله اكبر الله اكبر ولله الحمدالله
  *Iami anne takabbere nabosarrang lila , nalaksukkang kana ri bawa,  napattojeng ati,  appaka ramaulai ri karuenga nani sabbuk, sibali-bali  abbombang anggaluru andakai moncong tinggia, tulusuk naik rilangit tujua lonjokna, annarusuk ri ati taccokkota ampantamai pa’mai takalaheranta,      anggodai  rahasiata, battu towana sipattang lebba’,.. silalonna lebba’ , sebagai pertanda bahwa  Matahari 1 Syawal telah terbit ia naik perlahan tetapi pasti, sekaligus  menunjukkan  bahwa mata hari  Ramadhan sudah  tenggelam,  kepergian Ramadhan membuat kita bahagia bercampur sedih.  Kita bahagia karena telah menyelesaikan puasa sebulan penuh dan alhamdulliah insya Allah  berbuah takwa.  Kita bersedih karena ditinggal pergi bulan yang mulia bulan yang di dalamnya ibadah kita dilipat gandakan  pahalanya.
     *Anne allowa niaki ritampa le’baka nipassamaturuki nisangkanai, nipa’bulo sibatangngi, angkana… anjoeng tawwa assibuntu-buntulu julu bangsa, julu agama, sicini-cini, sibija sipammanakang ,appakajai takabbere pammuji pappakalompo rikaraeng Allahu SWT. 
*Anne allowa battuki ribundu lompowa ambunduki hawa nafsuta sibulangki sallonna massing Allati kalenta… baji’kana, lamma nyawa, lamma ati lammoro passare-sare, ampelaki sifat tampowa, takabboro’tinggi langgaya sifat eroka nikana nipela’mi sipa’kodiya, nibokoimi pappisangkaya, panggaukang baji’mami nigaukang passuroang nilaku-laku, sipa’boyaimi baji natenamo naki sipaboyang kodi, tau kammayyami anne antama rigolongang tumatappaka siagang malla anggappa predikat “la’llakum Tattakun” singkamma najanjiangki Allah Ta’ala ilalang ri kitta mala’birina ilalang risurah Al-Baqarah ayat 183:

Artinya: Ee sikamma tumatappaka niwajikkangi mange rikatte ngaseng untuk appuasa sangkamma todong  niparentangi mange ri ummat le’ba lalowa dasi na dasi naki antamaja rigolongang tumallaka
*Anne allowa battuki ribulang rumallanga appuasa, appakajai amala baji’ appasulu’sakka, lanynyimaki ridosa kammatong lanyinynna ana berulassuka battu ribattanna anronna.
Inai-nai appuasa angentengani sambayang, akkusiang siagang tappa na are relanna Alla Ta’ala.Lanyingi dosana sangkama ana beru lassuka ribatanna anronna
Allahu Akbar 3X walillahil  hamdu. Tau toa Sari’battang tunipakala’birika ngaseng niaka hadere
*Mingka anne allowa assibokoimaki bulang rumallanga bulang malanynyinga, bulan tarraka ribarakka abbokomi tamammaliang Kadde’ji kilangngere’ sa’ranna bulang rumallanga,riwattu appalakkana rikatte… ma’nassa rera’i atinta, dinging-dinging pa’maitta lari je’ne matanta… kamangei rikatte appalakkana
Assalamu alaikum  ya-Ayyuhal muslimin wal muslimat’
Assalamu alaikum Ya-Ahlus siyaam
Assalamu alaikum Ya-Ahlut Tarawih
Assalamu alaikum  Ya-Ahluz zakat
*Assibokomaki anne mingka tenaja kisassa’ lalang katarompoki ripassawallang, rasiki ripammetengang, kagannaki puasata, sukkuki tareweta, loei sambayang lantang bangnginta nalappasa zakka pitaratta lassicinikki sallang ridallekanna Allah Ta’ala.Kamma rinakanana na’bita
Farhatani farhatani  Indalliqai Rabbi
Naiya tau puasaya langgappai rua kassanangngang sannangisawattunna nagesara puasana sannang tongi riwattu assabuntuluna Allah SWT
*Sambayanta a’jari sa’bi, ka’do danniarita a’jara kanrena je’ne inung siagang zakkatta a’jari pa’lalangang ripadang mahsyar silamaka matanna Allowa tallantena riulunta.
Allahu Akbar 3X walillahil  hamdu. Tau toa Sari’battang tunipakala’birika ngaseng niaka hadere
*Bullang rumallanga mange tongi ritau mongkereka battu ri passoroanna Alla Ta’ala appala’kana:  Allampama anne kurangsiri’ ,kurang malla taena pangngali’ rannumaki anne alloa katenamo kikasirikang taena tommo kisiri-siri karata mi tawwa anganre anginung  riwattu allowa
*Anne allowa sannaki rannunu mingka sanna cilakata rassiko rikarugiang tarompoko ri sassa lalang, nisungkei suruga mingka naraka napammantangi naki’a’jari papparinra rinaraka nibalambang ri tompo’na
Nampapi nasassala kalenna tau tenaya naero anggaukang pakkusiang ilalanganna anne bulanga tau niaka ansia-siakangi rumallanga ripassabakkang kasibukanna angngondangi usaha katalassang linona.  Sassa lalang tena na le’ba riolo, riboko tompi manjina’ mappilannassi
*Ta’rapimaki anne kamma ri pallappasang pittaraka. Rapi’-rapi’ taung pole nilaloangmi sedeng. Sibulang sallona ri bulang rumallanga akkusiang, appuasa, assambayang tarawe siagang appitara nakibattumo anne allappasa. Naiya tosseng pa’lappassang labattua, upa’paki naki rapikang. Kapunna battumo bodoa, gassing le’baki tau sanna salewanganna, taena nagarring taena todong pa’risi’na taniasseng pa’sabakanna nati’ring lingka ri anja,  .
*..Ooo… ke’naaang….kitoa’mi ridallekanta,assaile maki rikiri kananta,a’balik maki mae ribokoanta, assa nia’na tau kiboya-boya pa’mai, yang mungkin ri taung allaloa massing nia’ ngaseng injai a’rappung-rappung ritampaka anne sipammempoang sipa’muri-murian sikakkali
*Anne alloa takkuleaimi battu lanri nia’mi ammaliang ri anja riassala  tenami batang kalenna,mua-muanna mami rupanna, sa’ranna mami ta’bayang ta’bialo,ta’dongko’mi ritubung-tubunga, ritampa simemanganna riassala kajarianna…palla’-palla’na anjayya appassi sa’la tussingai appassibokoi tau tenangsila’leang …lebba ammoli pa’mai baji ribija pammanakanna..sangkona mami tassappi ri rinrinna, songko’na mami tassai ri pallangngana, bajunna mami ta’lappa ri lamarinna… ia ngasengmi anjo a’jari pangngu’rangi ri tau nbokoia
*Lanri kammana mianjo …anne alloa rannuta assileo siaagan pacce na pa’risi ta’liwa-liwa..inaimo tau ke’nang tama pa’risisi tama loko atinna tama ru’rusu tubuna punna nia…
 *se’re ana ‘ a’jarimi kukang lanri nibokoi ri tau toana,ooo karaeng.. anre toje’mi pale anrong manggeku anrong mangge sannaka kupammaling malingi , sannaka   napakalabbiri pannanjeng tallasakku pammaggaggang sumangakku…
Se’rea tau toa sikalabine nibokoi ri ana’.. anak anggerang rannu anak sannaka nikarimangngi nikatutui…ana’ sallo nipala-pala’angngerangang muri-murian, buah hati belahan jantung…
*Se’rea baine ni bokoi ri bura’nenna. Sannaka na pamaling malingi sannaka sikanakkuki sannaka nasayang…ooo daeng palla’ tojeki nyawata kibokoima rilino akkale-kale..anre toje’ maki pale a’lampamaki tammaliang…ooo karaeng pabattuanga sallangku mae ridaengku
*Se’rea bura’ne nibokoi ri bainenna baine sannaka nakatutui, nakarimangngi… ooo….amma’naa nupilari tojemma rilino mingka ta lebbakaja takkalupa angngu’rangi ripangngadakkannu riwattunta sipangnganreang riwattungku appisa’ringi, anu ringanga niruai nibinting anu banttalaka niruai niangka….ya Allah rera tojemi atinku lanri kiallenamo bainengku… pabattuanga sallangku…. .
*Rupanya waktu dan ruanglah yang memisahkan kita. Umur mereka di dunia telah habis di telan waktu. Dan cepat atau lambat kita semua yang hadir di tempat ini suatu saat juga pasti ke sana. Demikian waktu berjalan terus-menerus tanpa henti. Hari berganti bulan, bulan pun berganti tahun.
الله اكبر الله اكبر ولله الحمدالله
*Kupakainga’kki kammaya tompa ribattang kalengku angkanaya tea laloki angkanai sangnging linoji ni usahai, doeji kiboya, barang-barangji kipatambung.  Nampa kikaluppai karaeng ampa’jariaki ansareaki dalle….. kiu’rangi pappasanna karaeng Alla Ta’ala
Kiboyai katallasang linota ningka teaki kaluppai kata lassang ahiratta.
Allahu Akbar 3X walillahil  hamdu. Tau toa Sari’battang tunipakala’birika ngaseng niaka hadere
*Ingakki anne lino lani bokoiji.. ahirat pasti lani mangei,, Ingakki angkanaya jai tau attallasa riolonganta a’mate-mateang angkaresoi lino, matemi anjo mange tenaja naerangi barang-barangna
Bajiki kalumanyanyanga, empo sunggua, eroka a’balanja nania’ bija tabija battu ngaseng attimporong
*Kodi kasi asia eroka nampa tena kamanna bija tea ngaseng appattau, mingka ia kala’biranga tenaja nappoko’ battu rinikanaya pakkalumanynyangngang, tena tonja nappoko’ battu riempoanga iareka jabatanga, mingka appokoki battu ritappaka ri Allah Ta-ala
*Naiya katunanga tena nappoko battu ripakkasi-asianga, appokoki battu ritappaka, kalumanynyangki, nia empoanta mingka a’bokoki riparentana Allah Ta-ala ma’nassa  niakki rikatunanga riallo riboko sallang. Kasi-asiki mngka niakki akkusiang, tunaki memang rilino mingka la’biriki riallo riboko sallang.
          *Ikatte tau kalumanynyanga, punna eroki la’biri rilino, la’biri ri-ahera gau baji kigaukang, sambayang kilaku-laku teaki tinggi langga, niaki kisipakkan lammororo passare kililiangi sifa’ lompo rekeng labbu kira-kirayya, kikkiri ma’reku, paro gallang ,kabbili tanru… kijallingi bija tunata, kisailei anak kukanga…antu kaniakkanga kammaji juku bolu…..lanjut ceritanya
            Ikatte tau kasi-asia punna teaki tuna ri-lino tuna ri-ahera anggaukangki parentana Allah ta-ala tunga-tungala wattu. Nasaba lebba sarenta rilino kasiasi
Laniapami pale, kitarimai passarena Allah ta’ala…na makkanamo tukamasea
Pa’rikongangma mae kamaseku kodong…
Angngapaminne kamasea, nasangnging nakkemamo naruppai
Natea kamma a’lessu na alle kalenna
Ammentenga kamase kujunjung
Ajjappa kamase kubinting
Ammempoa kamase kuempoi
Attinroa kamase kukalimbu
Namajai kamma inakke kamaseku
Kanaburanga kamase
Nalimpo-limpoa kamase
Kupalesso iya inji
Kutinra batena inji
Kupisalai na iayamo seng natuju…  Allahu akbar
*Kiassengi ri ma’naassana, tau labbirika ri sesena Allah taala teai nasaba tanjatta, teai nalanri empoangta teai tongi nasaba’ pa’barang-baranganta passangngalinna nalanri TAQWA-ta.
Sesungguhnya orang yang mulia di sisi Allah adalah yang paling Taqwa.(Al-hujrat:13)
manna tena kissambayang kasi-asijaki, jari bajikangngang assambayangmaki tunaki rilino mingka la’birikki ri-ahera sallang, insya Allah.
        الله اكبر الله اكبر ولله الحمدالله
  *Ikatte tumapparentaya assengi kalenta tunipinawang, nipammanjengi, nipa’la’langi, sungkeangi timunganta tuma’buttata, punna niaki battu  rikatte angngerangi pa’risi’na ansoengi susanna bantui punna gau siratang, ikattemi antu tumapparentaya rapangki jarung, tumabuttata sanrapangi pintala, nakana tau towayya anta’leko jarung namamminawang pintalaka, bajiki anu panraka a’memungi anu kekkeka.
            *Ikatte tumabuttaya assengi kalenta tuniparenta kipinawangi ero’na pammarentata ilalang rikabajikanga salama tena nassibokoi ero’na agamaya.
            *Se’rea pa’rasangang punna assamaturuki tumapparenta, tau kalumanyyang, tau caradde siagang tau kasi-asi lewai pa’rasanganga, ammentengi pabbuttanga, nipaturungi barakka’na linoa nani sungkei barakka’na buttaya anjari  wassele’na pammarianga.
Allahu Akbar 3X walillahil  hamdu. Tau toa Sari’battang tunipakala’birika ngaseng niaka hadere
            *Ikatte nikanayya ana’, teaki ma’ring kiga’gara’ anronta iareka anggeta, kipagalinta biberetta, kikanammi eroka kikanang, nakigaukang eroka kigaukang, tamangngali-ali tamassiri-siri tanasikko’maki riada’ nasaba ia ampa’niaki lissere matannu, tau kammayyami anne tau doraka ritau toa tau cilaka sallang riallo riboko.
            *Kipahangi baji’-baji angkanayya manna ga’gaki kigammara’ tinggi pangngasengang  siagang empoanta , punna dorakaki ritau toa, tanrasayyaki salama tammuntulu’ singara’ niboyai dalletta iraya mingka ilauki ammumba, nakana Nabbita
            “Rellana Allah ta-ala battu rirellana tau toata siagang pangngu’ranginna Allah ta-ala battu ripangnguranginna tau toata”.
            Angngu’rangiki sa’ribattang riwattunta ilalang battang nikimbolong 9 bulan 10 allo nierang mange-mange, ammatta attinro tamabaji, angnganre tamassipa nilassukangki assulu sidallekangi tallasa iareka mate, naiya manggeta napassabaki rannu natenamo naassengi kasappoanga amboyangki tallasa, sassang napalampang nasassang todong nakabattuang mingka tena nale’ba akkunraring la’bipa iya lanre rikatte, na iya harapanna lompoki nai’ nakiajjari tau a’matu-matu riparanta rupa tau; mingka apa kajariang, kagassing lompoki  napa’risi nyawaja kibalassiang tautoata.
*Ia miantu nabiasa se’rea anrong a’minasa riana’na…ooo ana’ attinro mako naung sitinroang sumanga’nu bara lompo jako nai nanu balasa tonja te’ne,
*Anreppa tau toa ampa’rikongangi ana’na.. ooo ana’ attinro mako naung sitinroang sumanga’nu lompoko nai nanu balasaka pa’ga’gara ta’bentang ,nanu balasaka pattu’du…
*Air susu dibalas air tuba ‘ Rasullullah naancangi tau kammayya anne antamapi ontayya riso’bolo  jarunga nampa  antama’ suruga tau dorakaya ri tau toa .Bahkan narampai nabbita
Kisah Al-Qamah
*“se’re waktu nia baine niboki ri bura’nenna dalam keadaan tianang lompo, riwattuna lassu ana’na ..nasaremi areng al-kamah..katallassanna anjo waktua sanna susana mingka lapung anrong tulina a’minasa bangngi ri allo, assujjud andallekang rikaraeng  Allah ta’ala. Appatara lima appala untuk anak sannaka nakarannuang sannaka nasayang , dengan deraian air mata bermohon….ooo karaeng bara’ lompo tonji naik anakku na nia’ tonja nabalasa te’ne…se’rea anrong punna appalaki ri Allah ta’ala maka langit tujua lapisi’na tassungke ngaseng dan tembus naik kearsy kursy sanggenna sikuntu malaikatka assujjud mae rikaraeng Allah ta’ala..nakanami malaikatka ‘oo karaeng anre ku ambaung risujjudku punna tanre kitarimai pappala doana atanta.” Ketika Al Qamah beranjak besar, nasib baik berpihak kepada dirinya. Al Qamah diberi kekayaan oleh Allah Swt, istri yang cantik, tapi tidak lagi memperhatikan para kaum miskin. Sedang rekan pergaulannya hanya terbatas orang-orang terpandang, para golongan kaya ,dan pejabat tinggi.            
sanggenna  Al Qamah sanna siri-siri’na assibala anrongna, sanggenna na pa,bayuang balla caddi-caddi ricappana kamponga,  .            
Suatu ketika Al Qamah kedatangan tamu ketika itu sang ibu juga sedang bertandang ke rumahnya. Ketika tamu Al Qamah menanyakan ihwal sang ibu yang sedang lewat didalam rumah, “siapa orang tua yang sedang lewat tadi?” Al Qamah menjawab, “ Dia orang yang tinggal dibelakang rumah yang sering datang meminta-minta”. Jawaban Al Qamah langgsung didengar oleh sang ibu, tetapi sang ibu tidak berkata apa-apa. Hanya mengurutkan dadanya.            
Saat kedua, ada lagi tamu Al Qamah datang bertandang kerumahnya dan ketika itu sang ibu juga datang bertandang. Tamu itu kembali menanyakan ihwal sang ibu dan jawaban Al Qamah sama seperti sebelumnya. Dan sang ibu kembali mendengar jawaban Al Qamah yang sangat menyakitkan hati sang ibu tapi tetap tidak berkata-kata. Hanya sanggup meneteskan air mata, meski dalam hatinya sangat marah. Sang ibu bertekad bila Al Qamah berlaku sama pada kali ketiga, maka sang ibu tidak akan diam lagi  Saat ketiga, ada lagi tamu Al Qamah yang bertandang kerumahnya dan kembali sang tamu menanyakan ihwal ibu yang sedang lewat dihadapannya. Dan jawaban Al Qamah seperti sebelumnya. Ketika itulah maka spontan sang ibu duduk bersimpuh disamping kursi Al Qamah, sang anak sambil berkata, “Oh...anakku Al Qamah. Inakke anronnu ana’..inakkeallassukkanko,
riwatunnu caddi caddi 2 taungko kupasusu, nuinung je’ne susungku, kupassai kalengku a’boyakatallassang untuk antallassiko,tangku kua bambang tangku kua bosi, kupakanreko sollannu attallasa, kusapu sapuko punna lattinroko,kusapu-sapuko punna nako’ko’ko lamu, kurakako punna assarai gunturuka, kujagaiko naung punna garringko sanggennu tassela’ matannu..punna angngarrukko kualleko kukalaeng nampa kudetekang kupakkelongan…ooo anaaa..gau’ gau’nu siagan bicarannu tania lebbaki ia kuminasai…sanna’ sikali lerena battu ri pa’minasaku…la minroma  anakku..punna sarenta lassibuntuluki pasti assibuntuluki, mingka punna cilaka rilampaku mangku mate tannu asseng… amminromi anronna ajjappa pelan-pelan siagan nasassala panggaukanna ana’na, angngarru tassunge’nge,sanna pa’risi’na atinna      
Akhirnya, ketika kekayaan Al Qamah berangsur mengecil dan dirinya diserang penyakit, para teman sepergaulannya pun semakin berkurang.  Suatu ketika Al Qamah menjelang ajalnya, tapi sangat sulit nyawa lepas dari tubuhnya meski surat Yasin telah berkali-kali tamat dibacakan. Maka beberapa sahabat mengadukan perihal Al Qamah ke hadapan Rasulullah Muhammad SAW. Rasulullah bertanya kepada para pembawa berita itu, “Apakah masih hidup ibunya AL Qamah?” Maka dijawab oleh pada pembawa berita, “Masih hidup ya... Rasulullah, tetapi sudah lama tidak ketemu karena tidak mau mengakui ibunya.”            
Rasulullah menyuruh para pembawa berita itu untuk mencari sang ibu dari Al Qamah, tetapi sang ibu enggan bertemu lagi dengan anaknya, Al Qamah. Sang ibu berkata, “Sudah tidak ada ibunya Al Qamah. Dia sudah tidak mengakui saya sebagai ibunya. Saya tetap peduli pada sakitnya, tapi saya lebih sakit hati atas perbuatannya dan perkataannya kepada saya.”             Kali ketiga sang ibu dijemput oleh para pembawa berita agar menemui anaknya yang sedang sekarat, Rasulullah berpesan, “Beritahu ibunya Al Qamah, bila dia tidak datang menemui anaknya yang sedang sekarat dan memaafkannya, maka dating saja pada saat akan dimasukkan kedalam api membara”.          
     *Demi cinta dan sayang seorang ibu, maka datanglah sang ibu, duduk didekat Rasulullah memandang anaknya yang akan dimasukkan ke dalam api. Namun apa yang terjadi, baru akan diangkat tubuh Al Qamah maka berkatalah sang ibu, “Anakku....anakku....anakku AL Qamah. Saya maafkan dosa-dosamu kepadaku. Ketika itu pula maka  Al Qamah menghembuskan nyawa yang terakhir setelah sekian lama mengalami sekarat.
                                                الله اكبر الله اكبر ولله الحمدالله
 Ikatte tau toayya niaka anak rungkana…tea’ laloki sanna kisayu anatta
            *Punna  ana’ rungka  kisayu  ammanraki  napunna  taulolo kisayu  nipanraki, teaki  pakei   istilayya angkanaya  ‘’itu soal  biasa ‘’ nasaba  biasami antu  ammanraki,  nikanayya  soal biasa natenamo nisadari  perlahan tapi pasti  naerangki mange  ri kapanrakanga .
            *Ikatte tau  lolowa  sanrapangki  bayao  addongko   ricappa  tanru, niserota tu’gurutta ,niberota  ammatunta’  gampangki  reppe’ ta’bura  minynya  nataena  rappunganna.  anjo  bura’nea  sanrapangi  kaluku  punna  pintujungja  ammattung  pissalapang  tassambila   taena  nangapa –apa. Singaiki  se’re  baine  se’rea  bura’ne  nale’bamo  a’gau salah  a’jari  pangalamanmi  ri’bura’nea  na’jari  kahancurangi  ribaineya
Remaja Muslim Laki-laki dan Perempuan !
Hati-hatilah menjaga diri, karena di mana-mana banyak kecelakaan.
Ada kecelakaan di jalan… tabrakan
Ada kecelakaan di kamar… tubrukan
Ada kecelakaan pendaki gunung
Ada pula kecelakaan dapat gunung
*Kecelakaan selalu mengintai kalian berdua wahai remaja laki-laki dan remaja perempuan. Yang menimpa remaja perempuan selalu lebih parah dan kejam.
*Kalau laki-laki jatuh ke lembah nista yang satu ini, jatuhnya jatuh kelapa. Sampai tujuh kali jatuhpun masih utuh dan harganya belum merosot.
*Tetapi… kalau perempuan jatuh ke lembah nista, maka jatuhnya jatuh telur. Sekali jatuh hancur dan susah dipungut kembali.
*Ikau remaja bura’nea rapangko kaluku, manna pintujung kalukua ammattung tangngapa-apai tena napanra, tena todong nasosok ballinna.
*Mingka… ikau remaja bainea… kontuko bayao, punna ammattungko sikali… apaji nureppe. Napunna reppemaki susami pa’matu-matuanna, lammoromi ballinna… punna paeng upa.
*Mingka punna cilakaki… apaji nanakanamo tu bura’nea manna nusareang kale-kalea tacinna… naudzubillaahi min dzaalik…
Dalam Al Qur’an Tuhan menyebut tentang pencuri
وَالسَّارِقُ وَالسَّارِقَةُ فَاقْطَعُواْ أَيْدِيَهُمَا جَزَاء بِمَا كَسَبَا
Pencuri laki-laki dan pencuri perempuan potong tangannya masing-masing.
Dalam Al Qur’an Allah menerangkan tentang pezina
الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ
Pezina perempuan dan pezina laki-laki masing-masing cambuk 100 kali
Dalam menyebut pencuri Allah mendahulukan laki-laki daripada perempuan oleh sebab lebih banyak pencuri laki-laki dan kurang sekali pencuri perempuan.
Tetapi dalam menyebut pezina… Allah mendahulukan pezina perempuan kemudian pezina laki-laki. Padahal mungkin pezina laki-laki sama banyak dengan pezina perempuan. Tetapi perempuan yang jual, laki-laki yang beli. Beli mahal saja laki-laki mau apalagi kalau beli murah… apalagi… obral.
Nakana tau toayya… antu bura’nea kapakeanna memangji
Kalau perempuan tahu diri… maka laki-laki akan segan… dan takut.
Kata orang tua jangan mereka dibiarkan berdua-duaan. Mereka seperti kucing dengan juku ombang. Laki-lakinya kucing, wanitanya juku ombanna.punna cammi angngai juku ombanga gampanji ni awasi, yang susah puna cammika sannang-sannang lalu juku ombanna battu a’reppese appa’ngara… camming garring punanna tena nakanrei
Anak-anakku remaja putri… tolong dengar saya mau berpantun:
Lain bengkulu..Lain semarang
Lain dahulu….Lain sekarang
Di bengkulu kuda menarik bendi
Di semarang bendi menarik kuda
Dulu lelaki mencari wanita
Apakah sekarang wanita mencari lelaki?
*Ini adalah penyakit ganas… lebih ganas dari kanker, lebih ganas dari AIDS. Obatnya belum ditemukan, oleh sebab itu perlu dijaga jangan sampai sakit. Dari sejak dini perlu di imunisasi… dengan apakah imunisasinya ???
Jangan baca buku porno
Jangan nonton film cabul
Jangan berdua-duaan
Jangan melamun tidak ada kesibukan… cari kesibukan
Kalau dirasakan ada sentakan tensi sex naik… ber-puasalah…!!! Senin atau kamis
Jangan ditunggu penyakit ini datang, sebab kalau ia datang… maka ia sendiri yang akan bicara yang lain digeser ke tepi…
Gejalanya adalah
Nafsu makan turun… Nafsu minum kurang….Nafsu kerja tidak ada…Nafsu tidur hilang
Cuma nafsu itu yang ada
    Lanri kammana ikatte tau niaka ana’na kididi’ baji laloi anakta kipioloangi mae ri bajika mudah2an appabattu tonja kabajikang, saba punna salai bateta andidi’ manna areng bajitta natallangngan tongi ri tamparang le’lenga….
       Jaimi ana’ rikammayya anne kurang sikalimi pangngali’na….anu dilaranga ri agamanya tenamo nakamallakkangi,apa nacini ri kotayya na asseng samara ia tosseng nagaukang manna mamo na pappisangka…. anu nikasirikanga na pattileangmi kiri kanang tanna kasirikang, irate a’lonarang ,irawa lari naik assau pampang ‘bitisi tiang listrik kamma katimbang kacinikang accilla nipattilleang,bodinya kamma gitar, pocci ta’bulinta’na tanni tongko-tongko ,sanggenna sikuntu nauranga assiruppang , ana’ muda tau toa a’bucilla ngaseng matanna annangara…lalu berkata…wawwwww
Na udzu billahi min dzaliq
Allaahu akbar 2x walillaahil hamd
Ikatte akkalabinea…utamana bai’bainea
Kibajiki pangngadakanta ribura’nenta, kikatutui bura’nenta…apalagi kaniakkanna hp akkullei pangngainna ta’bage dengan selingkuhannya…assirurunganki lagi a’dakka na biasa maraeng panjallinna salah dakkana
Punna kingai bura’nenta kingai tongi matoanta nasaba lanri ia naki kulle assibuntulu nasaba sanna lompona dosata punna nia tau tannangai matoanna, ka biasai nia tau tena naisseng kalenna ni mintuang….
Ikatte tau seppe-seppe ballaka tea’ laloki sikurisi naki sijallin birisi passabakkang sikiddi’ nasaba nai-nai tau kodi sipa’na mae riparanna tau ma’nassa mintu nabodoi dalle’na…inai lanturungiki punna kodi sifatta, ikatte rupa taua silalo tassirapikki , taenapa nia’ tau tanre paralluna riparanna rupa tau…lanri kammana naki parallu sibaji-bajiki  utamanya seppe-seppe ballatta…
Ka biasai nia tau ….tetanggana ammalli bulaeng, ia a’gamussung toro muncenna, accubbe tanni kobbi, ammuang-muang ridallekanna bura’nenna ero’ todong nipa’niakkang
      Kupasangki punna nia tetanggata ammalli apa-apa kikanangi alhamdulillah, ka eroki na nia’ sedangkan ikatte erokki natanre, teaki sifakkangngi iri matayya…
       Untuk seluruh jamaah kupasangki lebba kupasanna batang kalengku….
Tea laloki erokki appantama ri ballatta barang tanga hallala…nasaba manna malaikatka tante ngaseng naero’ antama ri ballatta…tea laloki angnganrei anu wassele nalarang agamata nasaba punna nia tau angnganre anu haram atau angnginung anu haram 40 allo 40 bangngi tanni tarima sambayanna siagan ni supah sumpai risikuntu malaikatka…
   Teaki pacapa’ ke’nang…inai tau pacapa pasti ammuntuluki sassa’lalang, ki katutui kalenta,tea lalokipassabakkang sita’goji minum keras naki nisawakkang ri padang mahsyar dalam keadaan battanta allante naung ributtayya, apa lebba naharamkan agamata ri loena risiddina tetap haram..
Kullu musyrikin haram walau kalil
Semua yg memabukkan haram walaupun sedikit….
Kupasangki pole…manna 1000 punna hallala kipantamaki riballa manna todong jai punna wassele battu riharanga teaki pantamai riballa
Nia appa akkacinikang naballaki ri sesena tau niaka taqwa, iamiantu:
Lammoroki assare-sare riparanna tau nabella risipa gi’gilika, sibaku paro’battanna kikkiri dongko’na ka’biliki tanruka punna iamamo lassare-sare
Tena napabballisang passangngalinna lammoro muri-muri siagang baji ampe riparanna rupa tau.
Punna nia tau ampa’risi atinna napammopporangi siagang tena nammoli sassa lalang tena todong nangngammu taipa lolo
Punna nipa’lingui sanggenna nanggaukan gau sala apaji naliba angngu’rangi, toba appala popporo mange ri karaengna nasaba kasalang le’baka nagaukang.
Dasi-dasi anne appaka niaji massing kiballaki nalanri le’battamo appuasa ri bulang rumallanga.

Lalu apa hadiah Allah bagi orang yang bertaqwa… ?
Bila derajat dan predikat taqwa sudah kita miliki, janji Allah yang pasti kita terima adalah:
Memperoleh makna hidup di dunia dan di akhirat (An Naba’: 31-35)
               Anne alloa, allo pa’jamataengan; allo sipappala popporo sipammoporang rimassing le’bata assi-sala  pa’mai rigau katalasanta, a’jamataeng maki sipammopporang, le’baka le’bami, teaki nangngammu tai lolo manna mamo naki le’ba assibuangi mata poke’ Assite’ba berang kalewang, siunteang pangngulu badi  angsungkei kancing bajunta namassing kite’de barambanta nampa kikanang ero’nu ero’ku todong, naki biasa bese’- besere’ pasabbaki’ gara-gara ana’-anaji iareka kana ta’tojoji, passala barang-barang, atauka sisala pammetangan iareka pammileang riallo pannodokkanga,
Anne alloa a’jama taengmaki naki sipammoporang teaki ta’galli angkanaya eja tompi seng na doang. katenaja antu nangerang kabajikang, assamaturu’maki ikatte tau makkamponga naki’ ta’gala pappasangna tau toata ‘manna ronrong linoa gesara buttanna kampong maraenga mingka  ikatte tau sarrea tetapjaki siama-ama nipasituru rikellonna tau rioloa  ; 
Ikattepa assamaturu, pakabaji boritta  naki rambangan assomballi mate’nea, teaki napara ikatte as-gea’ sigea’ sigenra-genraki na’lewa lino na aman pa’rasanganta’.  Asama turumaki’ naki bulo sibatang accera sitongka-tongka.
 kipakabellai  nikanaya passisalang-salang, assampa parasangang   tasipakana, siampi balla tasipattau, assiruppa assilaloang tasiasseng, tau kammayya anne tau nicalla rikaraeng Allahu ta-Ala siagadang ri na’bina situru’ rikana haddese’na nabbita
Laa yu’minu ahadukung hatta yuhibbu li akhihi
               ‘’Taena natappa se’rea rupa tau tenayya nangai sarebattanna kammatodong nangainna batang kalenna’’


               Rihaddese maraenga narampei

               ‘’Tiai golonganku tau lompoa natena nahormati tau caddia  tiai tongi golonganku taucaddia natena  napakalabbiri tau toayya’’
Allahu Akbar 3X walillahil  hamdu. Tau toa Sari’battang tunipakala’birika ngaseng niaka hadere
              

            Allahu Akbar 3 kali walillahil  hamdu. Tau toa Sari’battang tunipakala’birika ngaseng niaka hadere
            Kupasangki  sari’battang terutama  batanna  kalengku  nakana  se’rea  tupanrita  inai-nai  a’gau  baji  lanierangi  antu  mange   rikabajikanga , inai-naimo  tau  nierang  mange  rikabajikanga  risuruga tampa’na . inai-inai  tau  a’gau  kodi  lani  erangi  mange  rikakodianga  lani  erangngi  antu  antama  rineraka. Suruga  neraka  ikatte   tonji  ampareki  mateki  sallang, langsung  mami  nipammantangi.
 Assambayangki  kitoba ‘, pakajai  amalatta  eranna  anjaya , bokonna  tau  mateya. Anne lino  pakkaresoang  butta  pa’lamung-lamunga  ri  akherat pi  sallang  nialle  wasselena.
            Teaki  ma’ring  nataba  kananna  tau  toata, sambayanna  passayua  sallina  sakaroloa  erokki  toba  nanalumbaki  matea  tutuki  ma’lepa-lepa,  ma’biseang  ribontoa  tallangki  sallang  nanasakkoki  alimbu’bu, battuangkana  tallasakki  angngondangi rilinoa  anne , taena  namminawang  aheratta,  mingka  punna  aherat  kituntu  attantumi  amminawang  linota .
            Allahu Akbar 3 kali walillahil  hamdu. Tau toa Sari’battang tunipakala’birika ngaseng niaka hadere
            Namasarro  upa’mi  tau  niaka  tappa  anggaukang   passuroa  alli-lilia  pappisangka, ammentenna  sambayang, appakala’biri  tau  toa  nabaji  ampe-ampena  riparangna  rupa  tau. Tau  kammayya  anne  lanrasa  kabara  mappakarannu-rannu , nileme-leme  nyawana , niluarriang  kuburu’na , nisungkeang  pa’kebuna  langi ka assibuntulu   Allah ta’ala,  nippasalamaki  ri tetena  shiratal mustaqim  antama  risuruga .
            Namasarro   cilakami  iya  tau niaka  ammongkere  ri  Allah  ta’ala  sangnging  pappisangka  nalaku-laku , nampa  passuroang  naliliang,  tangngentengan  sambayang, doraka  ritau toa, tampo tinggi langga, kodi  ati’ ero’ nikana , tena  napakataui parangna  tau kalenna  tonji  nakana  tau,
nakanangi Tussambayang  mate tong  tutassambayang  mate  tong, kikkiri  assidakka  singkamma  dongko  paro  tau  kammayami  anne  lanrasai  kabara  pakamalla-malla ,lani  pasinta  nyawana  rimalakul  maut, ni para-parapa  ri mungkara siagang nakir, nisessa rikuburu’na, nikanrei ribarang-barangna nampa nibalambang sallang ripepe neraka.
            Akhirna sebagai pappasang pannongko rilalanna katubaku ia a’jari pappakainga risesena tau takkaluppaya limai rupanna tea laloki eroki nabokoi, iamintu:
1.      Tealaloki eroki nabokoi pakeang takekke iamiantu iman siagan tappa mae ri Allah ta’ala siagan ri nabbita Muhammad saw
2.      Tealaloki ero Tealaloki eroki nabokoi bungung ta’mara iamintu sambayanta
3.      Tealaloki eroki nabokoi bokong tamabari iamintu amal jariah
4.      Tealaloki eroki nabokoi dongko-dongkokang malacciri’ iamintu sambayang sunnatta
5.      Tealaloki eroki nabokoi sulo tamapa’rang iamintu passidakkata

Maemaki naki nia appala doang ri Allah Ta-ala barang niajaki nasare umuru mala’bu siagang tubuh masalewangang naki niaja assomaballangi tallasatta ampa’nannungangi pakkusianta assibuntulu rumallang labattua
Amin Ya Rabbal alamin
    
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ. فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.
                                   
إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ صَلَّى اللهُ عَلَى نَبِيِّنَا مُحَمَّدٍ وَعَلَى آلِهِ وَأَصْحَابِهِ وَسَلَّمَ تَسْلِيْمًا كَثِيْرًا. قَالَ تَعَالَى: يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. قَالَ تَعَالَى: {وَمَن يَتَّقِ اللهَ يَجْعَل لَّهُ مَخْرَجًا} وَقَالَ: {وَمَن يَتَّقِ اللهَ يُكَفِّرْ عَنْهُ سَيِّئَاتِهِ وَيُعْظِمْ لَهُ أَجْرًا}
ثُمَّ اعْلَمُوْا فَإِنَّ اللهَ أَمَرَكُمْ بِالصَّلاَةِ وَالسَّلاَمِ عَلَى رَسُوْلِهِ فَقَالَ: {إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا}.
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعَوَاتِ. اَللَّهُمَّ أَرِنَا الْحَقَّ حَقًّا وَارْزُقْنَا اتِّبَاعَهُ، وَأَرِنَا الْبَاطِلَ باَطِلاً وَارْزُقْنَا اجْتِنَابَهُ. رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ. رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. سُبْحَانَ رَبِّكَ رَبِّ الْعِزَّةِ عَمَّا يَصِفُوْنَ، وَسَلاَمٌ عَلَى الْمُرْسَلِيْنَ وَالْحَمْدُ لِلَّهِ رَبِّ الْعَالَمِيْنَ.
وَصَلَّى اللهُ عَلَى مُحَمَّدٍ وَعَلَى آلِهِ وَصَحْبِهِ وَسَلَّمَ. وَأَقِمِ الصَّلاَةَ



Khutbah Idhul Fitri Bahasa Makassar Penuh Hikmah Rating: 4.5 Diposkan Oleh: Ilmusaudara.com

0 comments:

Post a Comment